Canon Satin Photo Paper 240 g/m

Canon Satin Photographic Paper е полусјајна хартија (Semi-gloss), одлична за кога сакате да ги прикажете боите во целиот свој сјај и најситните детали на предметот на фотографирање, но без високата рефлексивност на сјајните „Glossy” фотографски хартии. Оваа фотографска хартија има широк спектар на бои, подлабока црна боја, подобро изразени детали во црните тонови и висока резолуција на принтот. Сето тоа е постигнато со минимални рефлексии на површината благодарение на полусјајната површина со помала текстура во однос на Canon Photo Paper Pro Luster, која е пријатна за очите. Фотографиите испечатени на овој вид на хартија се најслични со фотографиите развиени од филм. Оваа хартија е одлична опција за печатење на уметнички репродукции, промотивни материјали, фотографии со природа, макро, пејсажи, портрети, семејни фотографии, фотографии на деца, свадбени фотографии, продуктни фотографии и фотографски изложби. Оваа хартија се препорачува за фотографии кои ке бидат изложени во простории со големи прозори или други силни светлосни извори, бидејки со својата полу-сјајна површина ке го рефлектира минимално светлото во просторот. Со својата тежина од 240 г/м. и дебелина од 0,24 мм. е многу лесна за ракување, самата површина е поотпорна на гребење со што се овозможува полесното ракување при подготовки за изложби, промотивен материјал и други активности каде ке се работи директно со самите принтови. Една од главните карактеристики е брзото време на сушење. Максимална ширина на принтот е 60 до 61 см, минимална количина за печатење 2 х А4 формат.